私隱
我哋收集咩
FamsDB 唔使登記，冇帳戶，亦唔會叫你輸入姓名、電話或者電郵。
我哋用 Google Analytics（經 Google Tag Manager）統計網站點樣被使用，例如有幾多人打開、揀咗邊個地區同年齡組別、㩒咗邊個場地。呢啲係匿名統計，唔會用嚟識別你，亦冇用廣告 cookies。歐洲地區嘅訪客會先見到同意提示；你隨時可以喺頁底「Cookie 設定」更改。
你嘅位置
如果你㩒「用我而家位置」，你嘅瀏覽器會問你係咪准許。位置只喺你部手機或電腦入面用嚟計距離，唔會傳送或者儲存喺我哋嘅伺服器。
儲喺你部機嘅資料
你揀嘅地區、小朋友年齡同交通方式會用瀏覽器嘅 localStorage 記住，下次打開唔使再揀。清除瀏覽器資料就會刪除。
第三方服務
網頁會直接讀取香港天文台天氣同運輸署停車場空位嘅公開數據。㩒「帶我去」、「附近餐廳」或者「分享」會打開 Google 地圖或 WhatsApp，之後適用嗰啲服務嘅私隱政策。
數據來源
場地、相片、天氣、交通、公廁同育嬰間資料來自香港特區政府開放數據（康樂及文化事務署、香港天文台、運輸署、食物環境衞生署、衞生署），經 DATA.GOV.HK 及空間數據共享平台（CSDI）取得。相片版權屬香港特區政府。資料只供參考，出發前請以官方公布為準。
聯絡
有問題、想更正資料或者想刪除任何資料，請電郵 hello@keithchiu.net。